Khizaan K Janey Se Ho Ya Bahaar Aaney Se
Chaman Mein Phool Khilein Gay Kisi Bahaney Se
Woh Dekhta Rahey Murr Murr K Sooey Dar Kab Tak
Jo Karwatein Bhi Badalta Nahi Thikaney Se
Ugal Na Sang-E-Malamat Khuda Se Dar Naseh
Milay Ga Kia Tujhe Sheeshon K Toot Janey Se
Zamana Aap Ka Hai Aur Aap Iss K Hein
Larraiee Mol Lein Hum Muft Kiun Zamaney Se
Khuda Ka Shukar  Sawairey Se He Aagaya Qasid
Mein Bach Gaya Shab-E-Furqat K Naaz Uthaney Se
Mein Kuch Kahon Na Kahon Keh Rahi Hai Khaak-E-Jabee'n
Keh Is Jabee'n Ko Hai Nisbat Ik Aastaney Se
Qayamat Aaey  Qayamat Se Mein Nahi Darta
Utha Tou Dey Koi Parda Kisi Bahaney Se
Khabar Bhi Hai Tujhe Aaiena Daikhney Walay
Kahan Gaya Hai Dupatta Sarak K Shaaney Se
Yeh Zindagi Bhi Koi Zindagi Hui Bismil
Na Ro Sakey Na Kabhi Hans Sakey Thikaney Se...