Bechain Bohat Phirna Ghabraey Huey Rehna
Ik Aag Si Jazbo'n Mein Dehkaaey Huey Rehna
Chhalkaey Huey Chalna Khushbu Lab-e-Lalein Ki
Ik Baag Sa Sath Apne Mekaaey Huey Rehna
Is Husan Ka Sheva Hai Jab Ishq Nazar Aaey
Pardey Mein Chalay Jana , Sahrmaey Huey Rehna
Ik Shaam Si Kar Rakhna Kajal K Karishmey Say
Ik Chaand Sa Aankhon Mein Chamkaaey Huey Rehna
Aadat He Bana Li Hai Tum Ne Tou Munir Apni
Jis Shehar Mein Bhi Rehna Uktaaey Huey Rehna