Ghar hua, gulshan hua, sehraa hua
Har jagaah meraa junuuN rusvaa hua
Ghairat-e-ahl-e-chaman ko kyaa hua
ChhoR aaye aashiyaaN jaltaa hua
MaiN tau pahuNchaa, ThokareiN khaataa hua
ManziloN par Khizar kaa charchaa hua
Husan kaa chehraa bhi hai, utraa hua
Aaj apne gham kaa andaazaa hua
Gham se naazuk, zabat-e-gham ki baat hai
Ye bhi daryaa hai magar, Thehraa hua
Ye imaarat to ibaadat-gaaH hai
Is jagaah ek mai-kadaa thaa, kyaa hua
Is taraah raaHbar ne luuTaa karvaaN
Ai Fana raahzan ko bhi sadmaa hua
Rahtaa hai maiKhaane ke hi aas paas
ShaiKh bhi hai aadmii pahuNchaa hua.