“Mera Hussain baagh-e-Nabowwat ka phool hai,
Haidar ki is mein jaan hai, khoon-e-Batool hai;
Kitni azeem zaat hai Maula Hussain ki,
Jis kay lye Rasool kay sajdon mein tool hai;
Duniya mein aur kaun hai Shabbeer kay siwa,
Aisa sawaar jis ki sawaari Rasool hai;
Guzra jahaan, jahaan say Nawaasa Rasool ka,
Ab tak wahan Khuda kay karam ka nazool hai;
Jis kay liyay Yazeed nay itnay sitam kiyay,
Woh takht tau Hussain kay qadmon ki dhool hai.”