Dil Baichnay Aaye Teray Baazaar Ki Jaanib
Taktay Rahay Hasrat Se Khareedaar Ki Jaanib
Kiya Khoob Karishma Hy Teray Dast-E-Shifa Ka
Phir Zindagi Loat Aayi Hy Beemaar Ki Jaanib
Sehra Ki Karri Dhoop Rahi Apna Muqaddar
Barhtay Rahay Saaye Teri Deewaar Ki Jaanib
Kaisa Ye Ishaara Hy Teri Shokh Nazar Ka?
Inkaar Ki Jaanib Hy Na Iqraar Ki Jaanib
Wo Ishq Haqeeqi Ho Ke Ho Ishq-E-Majaazi
Har Raasta Jaata Hy Dar-E-Yaar Ki Jaanib..
Shakir Aslam