Karri Dhoop Mein Jalte HoYe Paon Ki Tarah.
Tu Kisi Or Ke Aangan Mein Hai Chhaon Ki Tarah.
Tu To Waaqif Hai Mere Jazbon Ki Sachayi Se.
Phir Kyoun Khamosh Hai Pathar Ke Khudaon Ki Tarah.
Main To Khushboo Ki Tarah Sath Raha Hoon Tere.
Tu Bhatakta Raha Bechain Hawaon Ki Tarah.
Woh Jo Barbaad Hoye The Wohi Badnam Hoye.
Tum To Masoom Rahe Apni Adaaon Ki Tarah.
Gham To Hai Ke Mujhe Koi Khushi Raas Na Ayi Arsalan.
Zindagi Kaat Rahi Hai Hum Sazaaon Ki Tarah.